Ish lojtari Bluagran, braziliani Rivaldo është i sigurtë se Neymar ka shumë gjasa të shkojë në Real Madrid.
Në një intervistë për programin sportiv ‘Esporte Espetacular’ në TV Globo të Brazilit, Rivaldo thekson se Neymar duhet të largohet nga PSG nëse dëshiron të jetë më i miri në botë.
”Unë tashmë kam thënë se Neymar mund të jetë lojtari më i mirë në botë. Por unë mendoj se nëse qëndron në PSG, kurrë nuk do t’a arrij këtë. Duhet të largohet nga PSG.”
”Nëse ju shkoni në Angli, Spanjë, Itali apo Gjermani është ndryshe. Them për konkurrencën e futbollit. Barcelona nuk do t’a rikthejë Neymarin. Shumë e vështirë ishte gjendja e tij atje. Dhe sipas informatave që kam marrë nga njerëzit e afërt në kohët e fundit, mendoj se Neymar ka shumë gjasa që të shkojë në Real Madrid. Dhe po kështu, besoj se mund të bëhet lojtari më i mirë në botë.”
