Në një intervistë për Real France, Raphaël Varane ka pranuar se ndoshta Zidane ka të drejtë dhe Madridi ka nevojë për një ndryshim.
”Eshtë e vërtetë se një ndryshim i vogël mund të jetë i mirë për të gjithë. Do të shohim më vonë nëse Zidane ka të drejtë. Sezoni ynë në La Liga mund të ishte një shenjë se ai ka të drejtë. Ndoshta do të kemi nevojë për të, do t’a shohim. Nëse ai e tha këtë, atëherë e ndjeu dhe i pa gjërat. Zidane është një trajner shumë i ndjeshëm ndaj qëndrimit të lojtarëve dhe ndaj asaj që mund të ndihemi. Pra, nëse ai tha se kjo nuk është për asgjë, mendoj se ka dicka të vërtetë.”, ishin fjalët e Varane për dorëheqjen e trajnerit.
Varane gjithashtu tregoi se si e kuptoi lajmin e dorëheqjes së Zidane: ”Ne ishim të paralajmëruar para konferencës për shtyp me një mesazh për secilin lojtar. Natyrisht ishim pak të befasuar. Ishte një moment i trishtuar. Një befasi, papritur dhe e rastësishme. Në cdo rast, ajo që bëri këtu ishte thjesht e mahnitëshme.”
Sa i përket të ardhmes së tij, qendërmbrojtësi shtoi: ”Tani për tani jam në Madrid. Kam besimin e klubit, një kontratë deri në vitin 2022, kështu që për mua cdo gjë është mirë në Madrid dhe shpresoj se kjo të zgjat për një kohë të gjatë.”
