Pas marjes së çmimit ‘The Best’, Luka Modric bëri një fjalim emocionues që përloti edhe Zvonimir Boban, për të cilin Luka potencoi se ishte idhulli dhe inspirimi i tij.
Mirënjohjet: ”Është një nder i madh, një senzacion madhështor të kem në duar këtë çmim. Fillimisht dua të përgëzoj Salah dhe Cristianon për sezonin e tyre madhështor. Jam i sigurtë që në të ardhmen do të keni më tepër mundësi, ky trofe nuk është vetëm i imi por i të gjithë bashkëlojtarëve tek Real Madridi dhe tek kombëtarja Kroate, është për trajnerët e mi sepse pa ta nuk do të ishte e mundur. Poashtu është për familjen time, pa të cilën nuk do të isha njeriu dhe lojtari që jam sot. Faleminderit tifozëve nga e gjithë bota për mbështetjen që më kanë dhënë sepse ka shumë kuptim për mua. Dua poashtu të falenderoj të gjithë ata që më kanë votuar.”
Boban, inspirimi i tij: ”Do të doja të përmend edhe idhullin tim, kapitenin e Kroacisë së vitit 98, inspirimin tim të madh, Boban, që lideroi ekipin nga i cili ne morëm inspirimin. Shpresojmë që edhe ne të jemi një inspirim për gjeneratën që vjen. Të gjithë mund të bëjmë më mirë. Me punën e palodhshme, besimin dhe vullnetin, të gjitha ëndërrat mund të bëhen realitet.”
Falenderime për Madrilenët: ”Dua të them dhe disa fjalë në Spanjisht. Do të doja të falenderoj Real Madridin dhe tifozët për dashurinë dhe mbështetjen, ky çmim është i juaji poashtu.”
