Santiago Solari u shfaq përpara mediave pas triumfit 3-0 ndaj Alaves në një ndeshje ku të gjithë lojtarët bënë një paraqitje fantastike ndërsa shënuan Benzema, Vinicius dhe Mariano Diaz.
”Neve na takon t’i hapim dhe t’i mbyllim ndeshjet. Rivalët luajnë dhe luajnë shumë mirë. Kemi qenë shumë serioz dhe kemi dëshmuar urinë që kemi brenda. Do të luftojmë për gjithçka deri në fund. Shpresoj që të arrijmë në ndonjë finale në fund të kalendarit.”
”Luajmë gjithmonë të bashkuar. Nëse vazhdojmë në këtë nivel në të tre kompeticionet, atëherë kemi shumë shanse. Mundohem të zgjedh më të mirët për të fituar ndeshjen e rradhës. Vinicius ka bërë një ndeshje të madhe sot. Doli nga fusha me ovacionet e tifozëve. Është duke u përgjigjur shumë mirë. Jemi të kënaqur me ardhjen dhe progresin e tij. Gjithmonë me ndihmën e veteranëve të skuadrës.”
”Isco? Isco dhuroi një pasim fantastik për Odriozolan në golin e tretë. Njëjtë si lojtarët tjerë që ishin në pozitat tjera. Kupa? Real Madridi është gjithmonë favorit. Do të shkojmë me respektin maksimal dhe përulësinë totale, por ne luajmë për të fituar çdo ndeshje.”
