Cristiano Ronaldo është rikthyer të flas për ish klubin e tij, Real Madridin. Në një intervistë që kishte dhënë të hënën, një ditë para se të shënonte hattrick ndaj Atleticos dhe të kualifikonte Juventusin në cerekfinale, Portugezi kishte thënë se nuk i mungon Spanja apo Portugalia.
”Sinqerisht nuk më mungon Spanja apo Portugalia. Gjërat janë kështu sic janë. Natyrisht, kam lënë shumë shokë të mirë, një klub të madh që më dha shumë dashuri, njerëzit, miqtë por nuk më mungon vendi pasi kam marrë këtu gjërat e njejta. Nuk ishte një ndryshim i vështirë për mua. Ishte intensiv, interesant, i ndryshëm por e kam pranuar dhe jam i lumtur.”, ishin fjalët e Portugezit për DAZN.
