Real Madridi ka marrë kryesimin në LaLiga, falë fitores së vuajtur në Valencia. Hazard u përmirësua, por Benzema dhe Vinicius ishin yjet e ndeshjes. Ja vlerësimet për Realin sipas Marca…
COURTOIS
Si zakonisht, nivel shumë i lartë, duke kryer disa pritje shumë të mira. I pafajshëm tek goli i Valencias.
CARVAJAL
U dëmtua pas 25 minutash. Problemet muskulore nuk po i ndahen, problem i madh për Realin.
MILITAO
Tjetër ndeshje e mirë, tashmë është kthyer në të paprekshëm në mbrojtje.
ALABA
Shumë mirë në duelin më të rrezikshëm, me Maxi Gómez. Sërish qendërmbrojtës, nivel gjithnjë i lartë.
NACHO
Në të majtë të mbrojtjes nuk pati shumë probleme, por gjithashtu nuk bëri ndonjë gjë të veçantë.
CASEMIRO
Mori karton të verdhë për një ndërhyrje të ashpër ndaj Guillamón, rrezikoi shumë. Në disa raste ishte me vonesë. Nuk është në formën e tij më të mirë.
VALVERDE
Bëri punën e pistë, dha gjithçka dhe në pjesën e dytë ra fizikisht.
MODRIC
Kroati nuk njeh pushim, mbetet shpirti i Realit. Nën presion konstant, është ai lojtari që e vë në lëvizje Realin.
HAZARD
Pjesë e parë e mirë, me detaje interesante. Në pjesën e dytë u duk më pak, por rëndësi ka që fizikisht rezistoi mirë.
VINICIUS JUNIOR
Edhe një herë Vini ishte perfekt, me gol e asist. Po rritet jashtëzakonisht, duke vrapuar pa fund. Ndër më të mirët në fushë.
BENZEMA
Edhe një gol dhe janë 6. Një sulmues race, garanci.
LUCAS VAZQUEZ
U fut për Carvajal, por sërish i zbehtë, si në San Siro. Shumë keq në pozicionim në golin e Valencias, nuk e ka nisur mirë sezonin.
CAMAVINGA
U fut në vend të Casemiros dhe i dha frymë fazës sulmuese. Ka këmbë dhe ide, ka nevojë për më shumë minuta.
RODRYGO e JOVIC
Të dy në fushë për të kërkuar përmbysjen, shtuan forcat në sulm dhe rritën presionin, edhe pse nuk u treguan vendimtarë.
ISCO
Vetëm pak minuta në fund, nuk mjaftonin për të treguar ndonjë gjë. I duhet hapësirë, në Madrid nuk e ka më.
ANCELOTTI
Po i jep një hije tjetër Realit. Reagoi shumë mirë pas golit, duke ndryshuar lojtarë e skemë dhe guxoi, duke korrur frytet.
