Pas fitores së bukur 6-1 ndaj Mallorca, Real Madrid është futur në tunel, sepse fillimisht u ndal te barazimi pa gola nga Villarreal, pastaj u mund bujshëm nga Sheriff në Bernabeu dhe sot u mund në Barcelonë nga Espanyol, duke luajtur keq.
E gjithë skuadra luajti dobbët dhe bien në sy jo vetëm gabimet mnë mbrojtje, por tashmë edhe sulmi po vuan. Ja notat sipas faqes TheMadridZone:
THIBAUT COURTOIS: 6
Courtois nuk pati shumë punë dhe nuk pati faj tek asnjë nga golat. Espanyol pati 4 gjuajtje në portë dhe Courtois priti ato që mund të priteshin.
LUCAS VAZQUEZ: 5
Është e qartë që nuk është Lucas i sezonit të shkuar. Shumë gabime në mbrojtje, duke humbur shpesh lojtarin e vet, si në rastin e Raul de Tomas në golin e parë. Pa Carvajal, krahu i djathtë është bosh.
EDER MILITAO: 5
Nuk po tregon të njëjtin stabilitet si në pjesën e dytë të sezonit të shkuar. Sot humbi 2-3 herë topin në mbrojtje, duke vënë në vështirësi ekipin. Duhet të përmirësohet, edhe pse mbetet zgjedhja më e mirë në qendër.
NACHO FERNANDEZ: 3
Nacho nuk duhet të luajë titullar tek Reali, të paktën jo qendërmbrojtës. Goli i dytë ishte faji i tij.
DAVID ALABA: 5
Mirë në fazën sulmuese, mirë si qendërmbrojtës, keq si mbrojtës i majtë. Për shumë arsye, Alaba nuk e ka vendin në të majtë, siç u pa edhe në rastin e golit të parë të Espanyol.
LUKA MODRIC: 5
Luka duket i lodhur, larg formës së sezonit të shkuar. Mosha po ndihet, ngarkesa e ndeshjeve të sezonit të shkuar po ashtu.
TONI KROOS: 5.5
Duhej të bënte më mirë, në ndeshjen e parë si titullar pas dëmtimit. Kroos është lojtar më i mirë kur ka dikë si Casemiro pranë, sot u duk shumë i kufizuar.
FEDE VALVERDE: 5
Nuk po e arrin aspak nivelin që kishte në ndeshjet e para të sezonit, ka disa ndeshje në krizë.
EDUARDO CAMAVINGA: 4.5
Luajti si mesfushor/anësor ofensvi, pozicion jo i përshtatshëm për të. Pësoi edhe një dëmtim, duke dalë që në pushim.
VINICIUS JR: 5.5
Ndeshja e parë e dobët e sezonit për brazilianin. Ka luajtur çdo ndeshje këtë sezon, i duhet pushim.
BENZEMA: 8
E vetmja gjë pozitive sot. Goli ishte i shkëlqyer, lëvizjet po ashtu.
RODRYGO: 5
Asnjë impakt duke u nisur nga stoli.
LUKA JOVIC: 5.5
Nuk kreu asnjë gjuajtje në portë dhe është tepër statik, edhe pse i është regjistruar asist për golin, që në fakt ishte shpikje e Benzema.
CASEMIRO: 5.5
Nuk kishte ndonjë punë të madhe, pasi Espanyol praktikisht u mbrojt gjithë kohën pas golit të dytë.
EDEN HAZARD: 6.5
E nisi nga stoli, bëri shumë mirë në ato minuta që luajti, duke lëvizur shumë në fushë. Për fat të keq, iu anulua një gol fantastik.
CARLO ANCELOTTI: 4
Starti ishte perfekt, por Ancelotti tashmë nuk po gjen një formacion fiks dhe nuk po rregullon dot mbrojtjen.
