Një ndër legjendat e Real Madrid, Fernando Hierro, i cili në periudhën 1989-2003 ka luajtur mbi 400 ndeshje për Los Blancos, ka folur sot në lidhje me Real Madrid, duke u ndalur tek merkatoja, por edhe te mbrojtja madrilene.
“Preferoj Mbappe, para Haaland. Të dy janë lojtarë të mëdhenj, por Mbappe është më i konsoliduar dhe ka luajtur më gjatë në elitë, në krahasim me Mbappe. Haaland është shumë i ri, duhet lënë të rritet, nuk mund ta mbajë presionin në moshën 21-vjeçare dhe të zgjidhë i vetëm problemet e një klubi të madh“.
Në lidhje me Realin: “Lufton gjithnjë për çdo trofe, historia e këtij klubi është e tillë, për të keq e për të mirë. Çdo klub ka momente të këqija, por klubet e mëdhenj i kalojnë shpejt“.
David Alaba qendërmbrojtës këtë sezon: “Është lojtar i jashtëzakonshëm, me shumë personalitet. Teknikisht është shumë i zoti, përshtatet me lehtësu në disa pozicione në fushë dhe është një përforcim i shkëlqyer për Realin, mund t’i japë shumë klubit. Vjen nga një klub me mentalitet fitues si Bayern dhe jam i sigurt që do të ndihmojë shumë si në mbrojtje, ashtu edhe në fazën sulmuese”.
