Idoli i shumë tifozëve të Manchester United dhe ish lojtari legjendar i tyre, Paul Scholes ka dhënë një intervistë për Goal në të cilën ka thënë se nëse Real Madridi vendos t’i dërgojë një ofertë David De Geas, do të ishte e vështirë të mbahet ai në Old Trafford.
”Ai po tregon se është portjeri më i mirë në botë dhe nëse Real Madridi e dëshiron, është e vështirë ta mbash dhe duhet ta kuptoni se ai dëshiron të shkojë atje, edhe pse ne nuk e duam këtë. Ne e kuptojmë se ai është nga Madridi dhe dëshiron të luajë në një ekip që lufton për Champions League në cdo sezon.”, thotë Scholes duke e pranuar që është vështirë të mbahet ai në ekipin Anglez nëse vjen oferta nga klubi Madrilen.
