Kontrolli i nervave nga ana e Cristiano Ronaldos para goditjes se penalltisë ndaj Juventusit në mesin e gjithë atij presioni ishte diçka e çmendur sipas tre ish-futbollisteve anglez: Gerrard, Owen e Rio Ferdinand.
Ish-lojtari i Liverpoolit, Steven Gerrard ka thënë se jo shumë lojtarë mund ta bëjnë atë goditje që e bëri portugezi gjatë penalltisë së mbrëmshme.
”Ai gjithmonë ka këto momente dhe njerëzit e dinë se çfarë është një penallti. E goditi me të gjithë fuqinë”, është shprehur Gerrard.
Për ish-lojtarin Madrilen, Michel Owen goditja e penalltisë në atë menyrë nga ana e Cristianos pas gjithë atij presioni është një çmenduri.
” Cristiano është shumë i shpejtë, ka një sprint fantastik, mund të shënoje nga ndërprerjet, ashtu siç ka bërë vazhdimisht. Dhe shumë njerëz mund të thonë që shënon penallti, por me atë presion? Është një çmenduri”, ka bërë të ditur Owen.
Nëse do të mund të bëhej një prototip i ndonjë kompjuteri, sipas asaj që thotë Ferdinand ai që do të dilte në fund do të ngjante shumë me Cristianon.
Portugezit për ta goditur penalltinë mbrëmë iu desh të presë 5 minuta, kjo për shkak të protestave të lojtarëve të Juves. Cristiano edhe pse u desh të presë për këto minuta dhe të përballet me provokimet e disa lojtarëve të Zonjës se Vjetër arriti të shënojë gol nga pika e bardhë.
