Santiago Solari u shfaq përpara mediave në prag të sfidës së nesërme ndaj Espanyol në Cornella El Prat (20:45h).
Ndeshje jashtë shtëpisë: ”Kemi nevojë të bëjmë atë që kemi bërë në ndeshjet e fundit: vëmendje maksimale dhe koncentrim që në sekondën e parë. Kemi nevojë për të gjithë intenzitetin dhe të gjithë energjinë që kemi patur në ndeshjet paraprake.”
Solari dhe guximi i tij për formacionin: ”Tentoj të përballem me çdo ndeshje me garancinë maksimale për të fituar dhe të gjithë lojtarët e përfshirë janë të përkushtuar dhe të koncentruar, punojnë me lumturi. Nuk është e lehtë sepse të gjithë lojtarët duan të luajnë dhe kjo është e pamundur, është problem matematikor.”
Frika nga dëmtimet për Vinicius: ”Vinicius është një lojtar si gjithë të tjerët, aribrat janë në fushë për të vendosur rregullat. Ai bën më të mirën e mundëshme. Jemi të kënaqur me karakteristikat e tij.”
Si e shohin tifozët Solarin: ”Është një pyetje për ta, unë vlerësoj punën e lojtarëve, është baza e gjithë gjërave. Janë ata që vendosin gjithë energjinë e tyre, trupin dhe fizikun për të arritur objektivat.”
Benzema: ”Ka patur shumë kritika gjatë karrierës së tij por është në një formë të madhe. Është një lojtar shumë zemërgjërë në mënyrën se si e kupton futbollin dhe se si i bën të tjerët të luajnë më mirë. Është zemërgjërë në sforcot që bën, luan praktikisht gjithçka dhe madje luan edhe kur është i dëmtuar. Zemërgjërë në gjithçka. Është njëri ndër më të mirët në pozicionin e tij.”
Beteja me Iscon: ”E vetmja betejë që ekziston është ndeshja e rradhës. Janë gati pothuajse të gjithë përveç Keylor dhe Vallejos. Do të përballemi me shumë beteja në të ardhmen dhe do të kemi nevojë për të gjithë. Duhet të jemi shumë të kujdesshëm dhe të futemi me intenzitet, energji dhe lojë të mirë ashtu si në ndeshjet e fundit.”
Espanyol: ”Bëjnë presion të mirë dhe në sulm kanë lojtar të shpejtë. Janë të rrezikshëm dhe për këtë e përsëris shpesh koncentrimin dhe kujdesin që duhet të kemi nga minuta e parë.”
Bale dhe statusi i titullarit: ”Do të shohim se kush luan nesër dhe në javët e ardhshme. Lojtarët që janë rikuperuar duam t’i kemi në top sa më shpejtë që është e mundur. Gareth është shumë i rëndësishëm për ne sepse është një lojtar i jashtëzakonshëm.”
Vinicius: ”Adaptimi i tij ka qenë shumë i shpejtë. Është shumë i ri dhe ka bërë një adaptim në të gjitha nivelet. Skuadra e ka pritur shumë mirë dhe ai ka mundur t’a dëshmoje talentin e tij. Duhet të vazhdojmë t’a ndihmojmë.”
Përmbysjet me Iscon: ”Futbolli fitohet në të gjitha sferat e skuadrës, si nga ata që punojnë brenda ashtu edhe nga ata që punojnë jashtë. Ndeshjen e fitojnë si ata që e nisin nga fillimi, si ata që dalin më pas dhe si ata që punojnë për përgaditjen e ndeshjes. Është fundamentale që të gjithë të ndjehen të rëndësishëm.”
Gjendja fizike: ”Baza e gjithçkaje është zemra e lojtarit, nuk është vetëm fiziku, është poashtu edhe aspekti teknik dhe emocional.”
