Zinedine Zidane ka siguruar tifozët Madrilen që ka besim tek skuadra për sezonin që vjen. Tekniku foli pas humbjes 1-0 ndaj Tottenham në Audi Cup, ndeshje në të cilën ekipi i tij nuk u paraqit në nivelin e dëshiruar.
Zidane beson se skuadra është në drejtimin e duhur, madje edhe pas turpërimit 7-3 ndaj Atletico Madrid të Shtunën.
”Ishim më mirë sot dhe ajo që duhet të bëjmë është të përmirësohemi çdo ditë,” tha Zidane për mediat.
”Nuk jam i lumtur me disfatën, por sot ishim më mirë.”
Por, po të mos ishte për Keylor Navas, Tottenham do të fitonte me shifra më të larta, kështu që Zidane mund të ri-konsideroje vendimin për portierin titullar në sezonin që vjen.
”Keylor ishte shumë mirë,” citoi Zidane, ”por është shumë e qartë, e qartë për të gjithë. Jemi të gjithë në të njëjtën skuadër.”
Real Madridi është lidhur prej kohësh me një transferim të Paul Pogba për të forcuar skuadrën, por Zidane insiston se është i lumtur me ekipin aktual.
”Jemi këtu dhe lojtarët janë këto që janë,” vazhdoi ai. ”Nuk duhet të vazhdoni me këto pyetje.”
”Gjërat mund të ndryshojnë deri me 31 Gusht. Kam besim tek lojtarët e mi.”
”Është e vërtetë që ndeshja startoi keq.”
”Por ne nuk do të humbasim besimin sepse sezoni është i gjatë.”
”Tifozët Madrilen nuk duhet të jenë të shqetësuar, jam gjithmonë pozitiv.”
”E di se është e vështirë sepse kemi patur një sezon të komplikuar, por unë e di që kam një skuadër të madhe. Ajo që kemi nevojë është të fitojmë një ndeshje. Vetëm kaq na duhet.”
Gareth Bale nuk udhëtoi me ekipin në Munich pasi transferimi i tij tek Jiangsau Suning u bllokua, por Zidane insiston që ai nuk u përfshij me ekipin për shkak të arseve mjeksore.
”Gareth Bale nuk udhëtoi me ekipin sepse nuk ndjente se duhet të udhëtonte, nuk ishte mirë. Pasi kemi folur me stafin mjeksor, kemi vendosur që ai të mos udhëtoje në Munich,” vazhdoi Zidane.
Rikthimi i James Rodriguez në Valdebebas ka qenë një lajm i ditëve të fundit por Zidane nuk është akoma i sigurtë nëse e ardhmja e tij është në Real Madrid.
”Nuk e di nëse James do të jetë në Real Madrid sezonin që vjen. Nuk jam i përfshirë në këtë. Jam këtu për të menduar për Audi Cup,” përfundoi Zidane.
