Real Madrid do të përballet me Villarrealin e Unai Emery këtë të shtunë, në orën 21.00, në Santiago Bernabéu. Los Blancos duan 3 pikë të tjera për të ruajtur të vetëm kreun e renditjes, por nuk do të jetë një ndeshje aq e thjeshtë sa jo e mesjavës kundër Mallorcas.
Për këtë takim Ancelotti do të bëjë ndryshime të rëndësishme në formacionin titullar. Courtois nuk preket në portë, si zakonisht, ndërkohë që edhe mbrojtja mund të konfirmohet ajo e mesjavës, me Nacho djathtas dhe Miguel Gutiérrez majtas.
Në mesin e fushës do të kthehet titullar Casemiro dhe me shumë gjasa edhe Modric, ndërsa dyshimi i vetëm i Ancelottit është nëse të konfirmojë Asensio, Valverde apo Camavinga.
Tredhëmbëshi i sulmit ka të sigurt vetëm Benzema, ndërsa në krahë priten Hazard e Rodrygo, me belgun që po ecën me ritmin një ndeshje titullar dhe një në stol.
Ky pritet të jetë formacioni për sot: Courtois; Nacho, Militao, Alaba, Miguel; Casemiro, Modric, Asensio ose Camavinga; Rodrygo, Hazard, Benzema.
