Zinedine Zidane u shfaq përpara media për të analizuar fitoren e ekipit të tij ndaj Leganes.
Rikthimi tek goli: ”Nuk ndodh asgjë kur na shënojnë. E rëndësishme është ne të shënojmë. Është një fitore më shumë. E katërta. Ishte e rëndësishme të fitonim pikë. Për më tepër jemi në vendin e tretë dhe rezultati ishte i mirë. Kemi një ecuri shumë të mirë së fundmi. Jam i kënaqur me rezultatin dhe me golat. Duhet vazhduar kështu.”
Asensio dhe Vazquez: ”Besoj që për mua kanë qenë gjithmonë të rëndësishëm. Gëzohem për Lucas sepse e meriton. Lufton gjithnjë. Përpara ndeshjes nuk ishte mirë. Ka bërë një ndeshje të madhe njëjtë si Asensio. Të gjithë në përgjithësi. Dhe Kovacic, që ka luajtur shumë së fundmi dhe ka bërë një punë fenomenale. Dëshirojmë vazhdimësi. Kemi patur momente të komplikuara dhe duhet të shfrytëzojmë këtë moment për të vazhduar kështu.”
Mungesa e Bales në formacion: ”Jam i kënaqur me të. Duhet shkuar pak nga pak me të sepse e duam në nivelin e tij më të mirë dhe kjo arrihet kështu. Pastaj, do të shohim ndeshjet që vijnë dhe do të vlerësojmë formën e tij. Jemi mirë, është një momentim i mirë. I shoh të gjithë të kënaqur.”
Gol i pësuar nga këndorja: ”Ky është futbolli. Nuk më shqetëson. Do të firmosja që rivali të na shënoje një dhe ne të shënojmë katër apo pesë. Është e qartë që golat në fillim janë për shkak të mungesës së koncentrimit.”
Përmbysjet: ”Është një punë e të gjithëve. Kemi patur gjëra të vështira. Tani na dalin gjërat sepse po bëjmë mirë. Kemi motivim, besojmë më shumë. Çdonjëri prej futbollistëve po japin më tepër në fushë. Kjo ka bërë që të luajmë ndeshje të mira.”
Ngjajshmëri mes Iscos në të shkuarën dhe Asensios në këtë sezon: ”Janë këtu dhe kam një grup prej 25 lojtarësh. E dinë që është e vështirë. Ajo që më intereson është që ata të jenë shumë mirë dhe t’a dëshmojnë këtë në fushë. Mua më duhet të bëj ekipin, një formacion titullarësh. Gëzohem kur shoh Iscon dhe Marcon mirë. E rëndësishme është ajo që ata dëshmojnë në fushë.”
Rikuperimi i vendit të tretë: ”Gjithmonë kemi shikuar lartë. Është fundamentale për neve. Për të vazhduar me ecurinë e mirë duhet të mendojmë dhe të shikojmë lartë. Rikuperojmë vendin e tretë dhe ideja është të vazhdojmë të rikuperojmë vendin e dytë.”
Rikthimi i Real Madridit: ”Tani gjërat kanë ndryshuar. Duhet menduar dhe besuar në atë që bëjmë. Nuk ndodh gjë kur rivali të shënon një gol. Vitin e kaluar kemi bërë shumë gola në minutat e fundit. Tani jemi në një moment të mirë. Duhet vazhduar. Kur dëshmojmë kualitetin që kemi, është kështu si është.. Duhet vazhduar me këtë ecuri. Kishim nevojë të pushonim disa lojtarë sepse të Shtunën luajmë në ora 16:15 dhe kemi pak kohë për t’u rikuperuar, skemi çfarë të bëjmë.”
